Levi do lima, kalo' panak tei sebayang ha' gereja shalom (unimas) dahin 300 hukah daha' muda-mudi men unimas dahin uitm, dahin pengkhobah na' ps. Ding men k.e.c. Gereja anih iha' nah ji gereja aleng penu dahin kelunan aleng jam Tuhan, aleng ikem jam Tuhan dahin aleng ikem mengalami hadirat Tuhan.

Akui tersentuh dahin kenep Tuhan aleng ikem nei geri daha' kelunan masem bengsa, masem gaya urip, masem ju daha' dahin masem na'an perah pa'ie urip ikem daha' ikem nei mengalami hadirat Na'.

Men lagu ateng bara long, lim na' iha' nah ngpu'ong en na dahin gaya urip kerei ngioh pengjam daha' nyam men dua-dua universiti anan.

Akui harep long 'Do matei dahin peju na' Tuhan Yesus men patei' anih seng ji jadi pengingat men telo' lim te' alem telo' mano urip telo' putong do...