Tek alem telo' sibuk-sibuk na hadui telo' aleng biasa na' en telok na putong do, tek kah jan telok nei nginga' bahawa beruan tam pun perlu en makan.

Telo' kuman 3 kali' halem ji o dahin anan pun bayet perlu duie ata'k dahin na'. Tapi' kanen belua'k tam kelunan nih, iha' nah basa' long Tuhan baru urip berua' tak aru halem kinah tak tek Tuhan, sebayang, perlu nak itak sebayang ala itak petangen lu'ong tak sediri dahin Tuhan tek alem tak mano hadui dahin urip tak putong do, dahin kerieng dahun Tuhan. Itak kerieng dahun Tuhan anih nah puku' tak tei sebayang dahin kelunan leba' ha' gereja. Lim ketanih atek lan nak, suma' en tak na ji kali' halem ji do.

Avin kenan urip kinah tak kah puku' nak itak deng mejoh urip tak putong-putong do, dahin hipun kenep aleng aru, lebih-lebih nak tegu halem tusah. Anan puku' nak itak perlu kuman kanen rohani anih dahin kenep aleng teneng.