Halam

Halam iha' nah ji adet aleng jan deng tak ala nyian. Itak murip, murip kenan halam, kinah, itak deng pekaya'k kinah tam kenan adet halam aleng en tam pili, avin tam jam ano urip dahin lu'ong tam en Yesus nyalam.

Halam halem amin, hak jinun halam aleng nageng pu'un kenep tam, itam seng em haman peduan, petmei, peptok dahin petevara halem amin tam, samada antara telo' taman hinan, taman dahin anak atau anak dahin hinan.

Atek lan nak, halam anih iha'k nah ji kusi', kusi'k avan tak seng peketneng gaya urip telok halem telok seng peji murip ji dahin ji.

Tapi' telo'k perlu jam, nunok tu'k seng bara kenep halam anih dahin ikel aleng lan nak.

Mejam tuk kurin long Tuhan deh, malah hukah bo'k hujung kuhong ji-ji kelunan aleng murip tek usun tana anih, Tuhan pah jam kuri hukah nak...Avin nun atih deh..avin kenan HALAM..